تواصل – ياسمين الفضلي:
أبدى عددٌ من أولياء الأمور والمراجعين استياءهم من أعمال البناء والحفر حول مبنى إدارة تعليم الرياض النسائي الواقع بحي المربع، حيث تحولت من الإزعاج إلى كشف خصوصيات النساء.
وأشار أولياء الأمور إلى أن العمال الموجودين على الرافعة المقابلة لمبنى إدارة تعليم الرياض النسائي أصبحوا يكشفون مدخل النساء، وتم إخطار الإدارة بضرورة وضع سواتر مناسبة في خلفية المبنى أو مظلة تخفف عنهن حر الشمس، وكذلك لسترهن.
وأوضحوا أنه لم يتم التجاوب مع مطالب الموظفات حتى الآن، بل زاد الأمر بطلب المسؤولات من الموظفات بمبادرة لتزيين المبنى وتشجيره على حسابهن الخاص في حفل المعايدة.
وطالب أولياء الأمور بأن تتحمل الإدارة المسؤولية وتضع نساءهن في مكان لائق وتشجيره ورفع سوره وتنظيفه وتوجيه شركة أعمال الحفر بالأراضي المجاورة أيضاً بالحرص على عدم كشف خصوصية النساء وعدم وجود فتحات حول سور الأرض المقابلة لمبنى الإدارات النسائية والتي تطل على هوة كبيرة بسبب الحفر، حيث تُشكل خطراً على أولياء الأمور وأطفالهم والذين يقفون بجوارها مباشرة لانتظار أقاربهن.
اي والله أزعاج من المباني وكشف وكمان أهمال الإدارة في النظافة واحنا هالأيام الجو جميل ولا فيه تراب ومع ذلك وسخاة وحمامات قذرة وعاملات ٦ بس على مبنى مليان موظفات ومراجعات الحمامات مانقدر نشوفها لو بنموت نستنى البيت الغوا العقود السابقة ولاعينوا بديلات واحنا ماندري ننظف والا ايش نسوي حسبنا الله ونعم الوكيل
يا لطيف لا تطيح عليكم بس !!!!!
الله لا يوفق كل مسؤول ومسؤولة ماهمهم الا الفلوس وانفسهم
وما تدرون بعد التحويلات والسنترال عطلان من زمان ما فيه تلفونات شغالة وكل شي يقولون لازم مناقصة وناكلها حنا الجوالات نكلم بعضنا فيها لانجاز المعاملات والحارس نلبس عبينا ونلطع له وناخذ من عنده او نعطيه وين التطور ولا حد داري عنا
مو معقول هذا مبنى تعليم الرياض العاصمة ؟؟!! من يرد
لا يفوتك ياسمين مبنى الوشم بعد تبع إدارة تعليم …،. الرياض تعليم الرياض مرة وحده مبنى سيء مزينين مكاتب المديرات والبرستيج واللي جوااا الله الله يعلم الله ومشتتينا ناس بالمربع وناس بالوشم مانوصل بيتنا الا الساعة ٣ وانتا ماشي والطرق زحمة ننام بالطريق نشكي لله بس بس بس
لا حول ولاقوة الا بالله وين حرص المسؤلين على المرأة الضعيفة لاحول ولا قوة لها إلا بالله
وبعدين أصلاً عادي 🙈
حسبنا الله ونعم الوكيل
العقل
هذا المبنى من خمس سنوات قالوا بينقلون عنه البنات وسنة ورا سنة يمكن نسيوا
يا ليل ما اطولك
وش دخلكم تطيح عليهم يكشوفنهم يزعجونهم وصيين عليهم انتم هم ساكتين خلوهم هههههههه
ليه كذا
الله يحفظكم ويحميكم موظفات التعليم مناضلات
والله ماعاد احد يسكت صلحوا بس صلحوا اشتغلوا منتو فاضين اجتماعات ولقاءات على مستوى والبلا بالداخل وعيباه بس
زورونا بمبنى الوشم وادخلوا كل الادارات الداخليه خلاص اتفقنا
الله يسامحهم ويهديهم
عجايب والله عجايب
الناس راح تتكلم خلاص طفح الكيل !!!!!!
خليكم من المباني حنعيش باي مبنى الغبنه صحيح موظفات الشركة اللي في التعليم ما استلموا رواتب من كم شهر كم عاملة وكم موظفة فنيات الحاسب ما استلموا رواتب من خمس شهور مش حرام اللي تحتاج واللي تتقوى ايش تسكتي يا ادارة التعليم بعضهم تركوا العمل والباقي مقهورات وين يرحوا يبغوا مكان نسائي تشتغل فيه
السلام عليكم وشكرا لكم على وقوفكم معنا وايصال صوتنا
سؤال مهم : دخلوا النساء قيادات ولا شفنا شي الا زيادة ضياع جهود ومال ولايحسون بأخواتهن وهن نساء مثلهن
جزاكم الله خير
محسودات موظفات التعليم على رواتبهن ورقت خروجهن واجازاتهن واذا شفت الحال والا بنتك معلمة والا موظفة لقيتهم يزينون رويصلحون برواتبهن حتى بنتي عاملتهم يدفعون راتبها قطة والدوام زادوا الساعات تآصل قبل العصر يا عالم اذكروا الله ماشاء الله ماشاء الله
طيب ياأم عبدالعزيز ليه مايطالبون بعاملة أسوة ببقية الإدارات انا شخصياً اعرف هذه الادارة العاملة اللي عندهم شغلها ليس مقتصر على نظافة فقط !! بل يشمل تجهيز القهوة مع الفطور وغسل المواعين وإضافة لذلك مراسلة اذا كانت مراسلتهم غير موجودة ،، هل كل هذا يشمل النظافة؟؟؟
منين لهم عندهم مستخدمتين كبيرات إذا طلبوا عاملة نظافة ردوا عليهن عندكم موظفتين مستخدمات والمستخدمات ما ينظفون
يا ام استفهامات اسمحي لي أنتي بعالم اخر ماتدرين ايش حقوقك مثلك مثل اللي يقولون ادفعوا وزينوا على حسابكم قال مبادرات قال !!!!!
من حقهم ياختي بعدين شكل ام عبدالعزيز تقصد مكتب اكيد انتي مديرة او مسوولة خافوا الله بس من الدفاع عن التقصير والترقيع
لا مشكلة في الرافعة لكن التشجير مهم تجميل ويغطي اليوم اصدقكم الشكل غير لا ئق بمستوى الادارة العامة لتعليم الرياض القسم النسائي
معقول ميزانية كبرى وهذه مباني التعليم مطالبة بمحاسبة المقصرين والمدراء والمديرات اللي يتسترون ويخلوون الموظفات يصلحون من جيبهن
اعوذ بالله ليش كذا الاهمال بعدين حر وشمس وجدران متهالكة وتربان عجزين عن الزراعة يا تعليم انثر لك ثيل بخمسة ريال ليش كذا منظر سيء
ويفولون تطور قسم بالله العظيم ما شفناه في التعليم ولا سمعنا عنه الا في الإخبار او كلمات المسؤولين
المستشارة بتزرع وتبني وتزين بالمبادرات على حساب الموظفات 😔 ترا الموظفات عندهم قروض وعندهم مصاريف وبيوت فاتحه فمه رواتبهم تغطي ايش والا ايش
اقترح الارض القاحلة ابنوها حضانة حلوة وقريبة من السور الهمة للتربويين فقط
مو غريب على التعليم التطنيش تطنيش النساء خاصة
إذا لم تستح فاصنع ما شئت
انا راجعت وتهت حتى الحارس مضغوط المفترض يجمعون كل ادارات تابعة للتعليم مع بعض
مدرستنا تستأجر المديرة عاملات وندفع كلنا المعلمات والاداريات أجرتهم حتى نغطي ايش نسوي نموت من الوساخة وهم الله فوقهم بيحاسبهم وبيحاسب كل متستر لكن احنا ما تسترنا احنا ندفع ونقول حسبنا الله ونعم الوكيل
المشكلة في حفل المعايدة ريسة المبنى تقول فيه جائزة لأفضل إدارة اللي بتصرف من جيبها ، قال أيش !! قال مشاركة مجتمعية
للعلم الريسة هذه هي موظفة اﻹارة المدللة اللي بلشوا فيها وحطوها مستشششششارة ، والله مهزلة ما بعدها مهزلة .
الحمد لله إن التسجيل الصوتي لها محفوظ في أجهزة الموظفات إذا استدعى الأمر وجاء تحقيق من جهات عليا ، أو من المقام السامي
وهذا قطرة من غيث والله يعينهم بستعدون للباقي وخل الاعلام التربوي حقهم ينفعهم ويتلقى سيل من الشكاوي والملاحظات
وإن غدا لناظره قريب
🙈
كلها مظلة وتشجير وترميم اسوار ونظافة ويطلع تمام بدون مماطلة
وخزياه الف
الرافعة قريبة ١٠٠ ٪ تكشفهم واللي. يقول لا يا مو فاهم يا عادي عنده الكشف
انصحكم ياموظفات ما تدفعوا ولا ريال ولا تطلبوا من المدارس الأهلية رعاية برامجكم
مبنى نساء عددهم كبير مافكرت ولا مسؤولة ولا مديرة المتابعة النسائية تسعى في أنشاء حضانة للموظفات حتى لجنة تطوير المبنى الجديدة اللي عملوها ماهم الا ايش بيسوون الموظفات على حسابهم طيب وينكم عن موظفاتكم طلعوا قرار بانشاء حضانة ونفذوه عدلو دوام موظفاتكم يطلعون الساعة ١ مثل قبل كافي تزلف للمسؤول الكبير والا لانفسكم والا لأيش انتم صوتنا للوزارة اسعوا بالمصلحة الموظفات يا نايمات ياكارهات العمل اطلبوا تحفيز لهم خارج دوام بس تحفيزكم خطاب شكر تضحكون عليهم جيبوا شيء اقوى تحفيز قولوا الساعات طويلة دون حاجة واكثر من حاجة العمل يسبب احباط رجعوا التعليم يناسب المرأة كعمل مثل قبل كان فيه الكثير من الميزات يناسب المراة السعودية الطيبة كونوا موطنات صالحات يا مديرات لا توافقوا على ظلم ولا على خطأ والموظفات ياشهود لكم او عليكم
وينك يا وزير عن تعليم الرياض مباني مشتتة لتعليم الرياض في الوشم عند العمال والزحمة وفي المربع مبنى تراثي يرقعون فيه حتى السنترال مافيه وارادات مرمية في ارجاء الرياض يعني المراجعة تضيع من حي لحي اجمعوهم في مبنى واحد ووفروا لهم حضانة الدول الفقيرة توفر حضانات للموظفات كيف انتم شد عليهم يا وزير ناس تخاف ما تختشيش لاهم ولا اعلامهم اللي بس يمدحون فيهم خله ينفعهم
اعمال الحفر لهم فترة شغالين حفر بعمق يمكن عشر متر احيانا المبنى يهز منهم ازعاج واصوات قوية جدا وفي اجازة نصف الترمين يجعلونا نداوم غصب ولا فيه عمل ازعاج ولا شغل وهدر كهرباء واوقات الناس ومصاريف والزحمة والشوارع والمديرات ماطالبوا المسوول بكل صراحة يامدير مافيه عمل بالإجازة اتروكهم ياجزون مع عيالهم مثل النظام السابق اذا فيه عمل لكن مافيه عمل طالبوا الاجازة تكون كما كانت وزيدوا اجازة العام الدراسي مافيه عمل الا قهر للناس
ردا على ما ذكر ..
الكلمه إما تشهد عليك او تشهد معك يوم القيامه .
كلام غير صحيح من حيث النظافه العاملات يقمن بدورهن وأدوات النظافة متوفرة .. جميع الأدارات لاتحتاج الذهاب البها من الخلف .. كلها داخل المباني
مالحاجة للذهاب في الخلف ؟؟!!
ساتر بسيط من الامام وانتهت المشكله .
وبالنسبه للحضانه انا سامعه انه راح يستفاد من المساحه الخارجية
في بناء حضانه ..
نحن في نعمه فأشكروها كي لاتزول
وتكذبين الصور حسبنا الله ونعم الوكيل أمثالك سبب الفساد يا أنكم ما تدرون وهذه مصيبة أو انكم تغطوون على من يأخذ الميزانيات ولا الميدان يشوف شي يا مره كلن يشتكي روحي شوفي بعد مدارس نظام المقررات ماتوصلهم الميزانيات يا بنت فتحي وان كنتي رجال بعد الله أعلم حسبنا الله ونعم الوكيل فيكم الدولة تصرف وتدفع وهناك من يقول عندنا وعندنا والميدان ناشف نحمد الله ونشكره على النعمة غصب عنكم لكن لا نكذب ولا نلمع ولا نشارك في فساد أو التستر على الفساد الله لا يكثر منكم حراااام عليكم الميدان يحتاج وأنتم لا تعطونهم ولا تبون صوتهم يطلع فالحين من تحت لتحت تجمعون قطات للإصلاحات والتعديل على حساب اللي على الله ثم رواتبكم مانحللكم يا صوت التلميع
هذا ليس خلف هذا أمام يلا جيبي الساتر وشجري المبنى أنتي وراعية المبادرات اللي تزين والمسؤولين ينتظرونها تزين على حساب الموظفات يا ويلهم من الله
باين من تعليقك انك يامديره يا مسؤوله ولكم بتصلحون كان صلحتوا بدون كلام بس الحيطه المايله مايله لاهي اللي تأمن ولاهي اللي تتعدل
أنا من موظفات الادارة والمبنى نظافته جيدة وكذلك دورات المياه ولا عمر احد قد قال لنا قطوا لتحسين المبنى ولا سمعت زي كذا في حفل المعايدة والساحة الأمامية بعيدة عن الإدارات كل الإدارات داخل المبنى ومانسمع أصوات
الكلام مبالغ فيه
الله يهدي الجميع
حنا حاضرين وسامعين وسمتها إدارة التعليم شراكة مجتمعية مبادرات كل موظفة أو إدارتها تجيب فكرة وتنفذها على حسابهم تشجير إو غيره وأفضل مبادرة لها هدية والتسجيلات موجودة يا ام رغد وأمثالك ربي بيكشفهم
التسجيلات موجودة واذا استدعى الأمر بتنشر
الصور واضحة ما يحتاج نفي اي رافعة بهالقرب تكشف والمبنى واضح ردائته
اتركونا من سمعنا وسمعنا وينك عن موظفات الشركة ما تخافين الله بعض الموظفات خمس شهور بدون رواتب وينكم عن حقوقهم وبعضهم ترك العمل وانتم في عالم آخر فوق فوق وينك عن السنترال من كم لنا ماعندنا ثابت نكلم بجوالاتنا وزياده على الصرف صرف وينك عن الدوام وجلوس الموظفات بلا عمل بعد الظهر طالبي باعادة ساعات الدوام اذا كنت شبعانة ومرفهة وفي احد ماسك بيتك وعندك احد يمسك اطفالك ترى فيه من يتجرع المعاناة فلا تقهريهم فتكوني من الظالمين كوني سند لاخواتك لا تكوني سند لمنصبك الكرسي مصيره يودعك او تودعينه والتاس شهود شهود شهود شهود شهود
لا رد الله كل ظالم خوان وكل منافق
حسبنا الله ونعم الوكيل في كل مديرة ومدير يغطون على الفساد وخايفين على كراسيهم وحسبنا الله ونعم الوكيل على كل من كان تحتهم ويعمي عنهم لا ينصح لهم بالمصلحة ويعمي عنهم أحوال الناس تحسبون الأمور سهلة لكم يوم في الدنيا والآخرة بقدرة قادر بقدرة الحي القيوم عالم الغيب والشهادة
هذا حال التعليم الموظفات يصرفون على المدارس من أيام الراتب اللي بالربطة الله يصلحهن ويوقفون حتى اللي ماشاف والا للحين يستهبل ويصرف على ١٠ او ١٥ مدرسة ويترك الباقي يشوف ويتحرك ويتحرك اللي فوقه ويحاسبونهم بلا غش
عجيب كلام هال هيفاء يا انها في عالم الاحلام او ماتدري ان الزمن تغير والان التقنية ومواقع التواصل كشفت كل شي ؟!
اليوم لا بقاء إلا للأصلح اللي بيخدم المواطن ويحقق مصالح الوطن ويصرف الميزانية في محلها ولا ينافق والا مكانه خارج القطاع بيتكم طال عمرك بيتكم طال عمركي
والله تكشفنا ونشوف الرجال اللي في الرافعة وكرهنا الذهاب للمباني الأخرى بسبب عدم وجود سواتر والمبنى وساخة والتراب في مربعات الزرع حتى الجهة اللي بها زرع اخضر كان وش زينه بدا يذبل وينشف والقاعة قاعة المحاضرات كم سنه مسكره للصيانة ولما فتحت البلاط مخفس والقاعة على حالها ولا تغير شي ورجعوا سكروها رح طالع عمرك يامدير التعليم بعد والا ماشفتها وهي تحتك تحتاج احد يقولك تعال طال عمرك كل شي تمام من المتبرعين والمدارس الأهلية مضغوطة من اجبار ادارة التعليم لها لفتح قاعاتهم وامكانياتهم للقاءاتكم وانشطتكم
والله ما كذبتم ولا بالغتم هذا واقع للاسف وهناك اكثر